Ҳаёт ташвишларидан узилиб, енгил нафас олишга ёрдам берадиган фильмларни томоша қилишни таклиф этамиз. Улар тинчлик, дўстлик, севги, орзулар ва ижодкорлик ҳақида. Ўзингизга ёққан фильмни танланг ва вақтингизни чоғ ўтказинг.
«Стажёр»
Чегаралар фақат ўзимизнинг онгимизда эканини исботлаб берадиган ажойиб фильм. 70 ёшли бева қолган Бен Уитакер (Роберт Де Ниро) нафақага чиқиш у учун эмас, деган қарорга келади ва Жюл Остин (Анне Хетеуэй) бошқарадиган онлайн дўкон сайтида стажёр сифатида иш бошлайди.
«Бензоколонка маликаси»
Балет билан шуғулланишни орзу қилган мафтункор қиз Людмила ўзи истамаган ҳолда ёнилғи қуйиш шохобчасида ишчи бўлиб ишлайди. Жонкуяр одамлар, орзулар ва чексиз оптимизм ҳақидаги ажойиб комедия.
«Эйс Вентура: Уй ҳайвонлари детективи»
Қизиқарли детектив комедия биринчи навбатда ҳайвонларга муҳаббат ҳақида. Дам олиш кунлари учун энг яхши фильм: кичик дўстларимиз ва Жим Керрининг ҳазил-мутойиба, юз ифодалари ва пластикасининг беқиёс ифодаси.
«Кумуш конкилар»
XIX аср таърифига кўра романтик давр ҳисобланган. Бу фильм кутилмаганда учрашиб қолган бутунлай бошқа синфдаги икки ёш ҳақида. Бири чироқчининг ўғли, унинг ягона бойлиги – отасидан мерос қолган кумуш конкилар; бири эса илм-фанни орзу қиладиган буюк зотнинг қизи. Улар биргаликда орзулари сари ҳаракат қилишга қарор қилишади.
«Шрек»
Мультфильмлар фақат болалар учун, деб ким айтди? Катталар ҳам бирдек қизиқиб томоша қиладиган мультфильмлардан бири «Шрек» картинасидир. Ғайриоддий сюжет, ажойиб ҳазил ва мафтункор персонажлар — ажойиб комбинация.
«Буюк шоумен»
Агар мюзиклларни яхши кўрсангиз, унда бу фильм албатта юрагингизни забт этади. Мусиқий фильмларга бефарқ бўлсангиз, реал ҳикояга асосланган ушбу фильмни кўришни тавсия қиламиз.
1+1
Бу фильм кўпчиликнинг севимли фильмлари қаторида экани шубҳасиз. Картина раҳм-шафқат, ҳаётга бўлган иштиёқ, ҳақиқий дўстлик, оилавий ришталар ва севги ҳақида. Реал воқеаларга асосланган фильм сизни бефарқ қолдирмайди. Албатта яхшилик ҳар доим ғалаба қозониши ва турли хил фарқларга қарамай, одамлар бир-бирларини севиши мумкинлигини кўрсатади.
Изоҳ (0)