Фарғона вилояти Риштон туманида уй олдидаги чинни ликопларни ўғирлаган шахс қўлга тушди. Бу ҳақда вилоят Ички ишлар бошқармаси хабар қилди.
Қайд этилишича, Риштон тумани Алишер Навоий кўчасида Д.Н. исмли аёл ИИБга мурожаат қилган. Унда 2022 йилнинг 18 июнь кунидан 19 июнь кунига ўтар кечаси номаълум шахс яшаш хонадони олдида қаровсиз қолган 2500 сўмдан бўлган, 500 дона жами баҳоси 1 250 000 сўмлик чинни ликопларини яширин равишда ўғирлаб, ҳодиса жойидан яширинганини билдирган.
Ҳолат юзасидан Риштон тумани ИИБ ҳузуридаги тергов бўлинмаси томонидан жиноят кодексининг 169-моддаси (ўғрилик) 1-қисми билан жиноят иши қўзғатилган.
Олиб борилган тезкор суриштирув ишлари давомида ушбу жиноятни Ғ.И. содир этгани аниқланиб, процессуал тартибда ушланган. Ҳозирда тергов ҳаракатлари олиб борилмоқда.
Изоҳ (0)