Farg‘ona viloyati Rishton tumanida uy oldidagi chinni likoplarni o‘g‘irlagan shaxs qo‘lga tushdi. Bu haqda viloyat Ichki ishlar boshqarmasi xabar qildi.
Qayd etilishicha, Rishton tumani Alisher Navoiy ko‘chasida D.N. ismli ayol IIBga murojaat qilgan. Unda 2022-yilning 18-iyun kunidan 19-iyun kuniga o‘tar kechasi noma’lum shaxs yashash xonadoni oldida qarovsiz qolgan 2500 so‘mdan bo‘lgan, 500 dona jami bahosi 1 250 000 so‘mlik chinni likoplarini yashirin ravishda o‘g‘irlab, hodisa joyidan yashiringanini bildirgan.
Holat yuzasidan Rishton tumani IIB huzuridagi tergov bo‘linmasi tomonidan jinoyat kodeksining 169-moddasi (o‘g‘rilik) 1-qismi bilan jinoyat ishi qo‘zg‘atilgan.
Olib borilgan tezkor surishtiruv ishlari davomida ushbu jinoyatni G‘.I. sodir etgani aniqlanib, protsessual tartibda ushlangan. Hozirda tergov harakatlari olib borilmoqda.
Izoh (0)