Россиядан қувурлар орқали табиий газ етказиб бериш ҳажмининг қисқариши фонида Европада электр энергияси нархи ўзининг тарихий энг юқори кўрсаткичларини янгилади. Бу ҳақда Financial Times хабар берди.
Хусусан, Франция ва Германияда кейинги йил учун энергиянинг бир МВт/соат нархи мос равишда 366 евро ва 325 еврога етди.
Мутахассисларнинг прогнозларига кўра, Европада ҳаддан ташқари юқори бўлган газ танқислигига қарши кураш тахминан бир йил давом этади.
Германиянинг кўмир электр станцияларини ишга тушириш орқали энергиянинг юқори нархини қоплашга уринишлари самара бермайди, айни вақтда кўмир нархи ҳам ниҳоятда юқорилигича қолмоқда.
Россияда газ инқирози кучайса, Буюк Британия Европага газ қувурларини кесиб ташлашни режалаштираётгани маълум бўлган эди.
Юқори электр энергияси нархлари аллақачон талабнинг пасайиши белгиларини кўрсатмоқда. Германия электр энергиясига бўлган талаб сўнгги тўрт ой ичида ўтган йилга нисбатан 5 фоизга камайган.
Бунга сабаб юқори энергия нархи бўлиб, бу асосан саноат фойдаланувчиларининг ишлаб чиқаришни камайтирганини билдиради.
Аввалроқ Ўзбекистонда табиий газ ва электрнинг янги нархлари белгилангани ҳақида хабар берилганди.
Изоҳ (0)