Июнь ойида Туркияда истеъмол нархлари йиллик кўрсаткичда 78,6 фоизга ўсди ва кетма-кет 13 ой давомида инфляция тезлашди. Бу ҳақда Bloomberg хабар бермоқда.
Туркияда энергия нархлари 151 фоизга, транспорт хизматлари 123,4 фоизга, озиқ-овқат маҳсулотлари нархи 93,93 фоизга қимматлашди.
Аҳолини қўллаб-қувватлаш учун расмийлар мамлакатда энг кам ойлик миқдорини оширишга қарор қилишган эди, аммо мутахассислар бу вазиятни янада оғирлаштириши мумкинлигини айтишмоқда.
Инфляциянинг бу даражада кўтарилиб кетишига Туркия Марказий банк юмшоқ пул-кредит сиёсатини олиб бораётгани ва 1 йилдан ошиқ вақт ичида фоиз ставкани оширмагани сабаб бўлмоқда.
Айни пайтда лира ҳамон заифлашиб бормоқда ва 1 доллар учун 16,8 доллар бўлиб турибди.
Энди Туркияда меҳнатга ҳақ тўлашнинг энг жам миқдори 5500 лирани (тахминан 328 доллар ёки 3,5 миллион сўм) ташкил этади. Таққослаш учун, аввал 4250 лира (тахминан 254 доллар ёки 2,7 миллион сўм) эди.
Расмий даражада миқдор 74 долларга ошган, бироқ йил бошидан буён лира 20 фоизга қадрсизлангани сабабли, асл ўсиш атиги 9 долларни ташкил қилди.
Туркия меҳнатга ҳақ тўлашнинг энг кам миқдорини қийин иқтисодий вазият туфайли оширмоқда.
Изоҳ (0)