Сурхондарё вилоятида ўзини мамлакатдаги етакчи телеканаллар журналисти сифатида таништириб, тамагирлик қилиб келган сохта журналист аниқланди. Бу ҳақда «Янги давр« информацион дастурида хабар қилинди.
Қайд этилишича, Жарқўрғон туманидаги тадбиркорлик субъектларидан бирининг мурожаатига кўра Давлат хавфсизлик хизмати, Иқтисодий жиноятларга қарши курашиш департаментининг ҳудудий бошқармалари томонидан тезкор тадбир ўтказилган. Унда Денов туманидаги «Ниҳол студио» журналисти бўлган аёл «агар пул берсангиз, сизни мақтайман. Бермасангиз, танқид қиламан» деб, тадбиркорларни қўрқитиб юргани аниқланган. У мақтовга оид лавҳанинг ҳар бир дақиқасини 200 минг сўм этиб белгилаган.
«Кўрсатувнинг эфир ҳақи учун пул сўраганман. Лавҳа ижтимоий тармоқлар орқали эълон қилинган. Иш бошлаганимга 2-3 ой бўлиб қолди. Маълумотим олий», — деган у.
«Бундан ташқари, унинг турли йўллар билан пора олгани ҳақида маълумотлар бор. У тадбиркорлик субъектлари, фермер хўжаликлари, мактабгача таълим ташкилотлари ва кўплаб идоралар фаолиятини тасвирга олиб, танқидий лавҳа тайёрлаган. Ижтимоий тармоқлар ва телевидение орқали кўрсатиш билан пўписа қилиб, агар келишилган пул берилса, тасвирларни ўчириб ташлаш билан товламачилик қилиб юргани айтилмоқда. Бунга етарлича фактлар ҳам бор», — дейилади хабарда.
Мавзуга доир:
- Қашқадарёлик блогер ер олиб беришни ваъда қилиб, 7 млн сўм олган вақтида қўлга олинди
- Қашқадарёда таниш аёлга тегишли видеоларни тарқатмаслик учун пул талаб қилган блогер иши судда кўриб чиқилмоқда
- Қашқадарёлик фуқарони интернетда обрўсизлантириш билан қўрқитган сохта блогер 500 АҚШ доллари билан қўлга олинди
Изоҳ (0)