Нозик таъмни қадрловчилар учун: малинали суфле рецепти

Мазкур рецепт ёрдамида нозик таъмли француз ширинлигини тайёрлаб кўринг.

Маҳсулотлар:

• малина — 150 г
• шакар — 8 ош қошиқ
• лимон шарбати — 1 чой қошиқ
• сарёғ —1 ст. бир қошиқ
• тухум — 4 дона
• ун — 5 ош қошиқ
• сут — 300 мл
• ваниль экстракти — 1 чой қошиқ
• туз — 1 чимдим

1. Кичикроқ товага малина, 2 ош қошиқ шакар ва лимон шарбатини солинг. Қуюлгунча 5 дақиқа давомида қайнатинг.
2. Малинали массани газдан олиб, совитинг ва элакдан ўтказинг.
3. Тухум сариғини оқидан ажратинг. Сариғини 3 ош қошиқ шакар билан кўпиртириб, ун қўшинг ва силлиқ бўлгунча яна кўпиртиринг.
4. Сутни қайнатиб, учдан бир қисмига тухум сариғини қуйинг. Қолган сутни ҳам қўшинг.
5. Сутли аралашмани кастрюлкага солиб, қайнатинг. Қуюқлашгунча 1-2 дақиқа аралаштириб туринг.
6. Кремни совутиб, малина пюреси ва ваниль экстракти билан аралаштиринг.
7.  Тухум оқини бир чимдим туз билан кўпиртиринг. Шакар қўшиб, қаттиқ бўлгунга қадар миксерланг.
8. Тухум оқи билан малинали массани асталик билан аралаштиринг.
9. Печни 190°C га олдиндан қиздиринг. Тўртта керамик қолипни ёғлаб, шакар сепинг.
10. Малинали аралашмани қолипларга қуйинг. Суфлени 15-20 дақиқа давомида пиширинг. Тайёр десертга шакар кукуни сепинг.