Мазкур тўйимли таомни тайёрлаш осон: гўшт ва сабзавотларни бўлаклаб, ҳамма маҳсулотларни фольгада пиширинг. Барча сабзавотлар бир-бирининг ҳиди ва таъми билан тўйинади.
Керакли маҳсулотлар:
- Помидор — 3 дона
- Товуқ филеси — 600 г
- Бақлажон — 3 дона
- Булғор қалампири — 1 дона
- Сабзи —1-2 дона
- Пиёз — 1 дона
- Саримсоқ — 2-3 бўлак
- Ўсимлик мойи — 4-5 ош қошиқ
- Паприка — ½ чой қошиқ
- Мурч
- Туз
- Помидорни бир неча сонияга қайноқ сувга солиб, пўстидан тозалаб олинг. Пичоқ ёки блендерда майдаланг.
- Бақлажон ва товуқ гўштини ўрта бўлакларга, қалампир ва сабзини кичик бўлакларга, пиёзни тўртга ёки иккига бўлинг. Саримсоқни пичоқда майдаланг ёки қирғичдан ўтказинг.
- Гўшт, бақлажон, помидор, сабзи ва қалампирни идишга солиб, 2-3 ош қошиқ ёғ, туз, мурч ва паприка қўшинг ва аралаштиринг.
- Пиёз юмшагунча сковородкада 2 ош қошиқ ёғда қовуринг. Устига саримсоқ солиб, 30 сониядан кейин оловдан олинг.
- Пиёз ва саримсоқни қолган маҳсулоттлар билан аралаштиринг. Печ патнисига солиб, фольга билан ёпинг. Тахминан 30 дақиқа ёки ундан кўпроқ вақт давомида 190 даражага олдиндан қиздирилган печга қўйинг.
Изоҳ (0)