Турк киносининг юлдузли жуфтликлари бўш вақтларини қандай ўтказади? (фото)

Турк оммавий ахборот воситалари юлдузли жуфтликларнинг турли йиллардаги интервьюларидан фойдаланиб, улар бўш вақтларини қандай ўтказиши ҳақида маълумот берди, деб ёзади «RusTurkey.com».

Бурак Ўзчивит ва Фаҳрие Эвжен

Масалан, Бурак Ўзчивит CNN телеканалига берган интервьюсида Фаҳрие Эвжен билан бирга кинога боришни ёки уйда қулай муҳитда фильм томоша қилишни яхши кўришини айтиб ўтган. Шунингдек, Бурак рафиқаси билан сукут сақлаган ҳолда сўзсиз бир-бирини тушуниб, пиёда сайр қилишни ёқтиришини ҳам қўшимча қилган.

Неслиҳан Атагул ва Кадир Доғулу

Неслиҳан Атагул ва унинг турмуш ўртоғи Кадир Доғулу табиат қўйнида вақт ўтказишни ва дам олишни жуда яхши кўради. Улар карвонда саёҳат қилиб, гўзал масканлардан завқ олади.

Чагатай Улусой ва Дуйгу Саришин

Чагатай Улусой ва унинг севгилиси Дуйгу Саришин денгиз ва у билан боғлиқ бўлган барча нарсаларнинг мухлисидир. Улар бўш вақтининг кўп қисмини сув бўйида ўтказади. Айниқса, Чағатой дайвингга жуда ҳам қизиқади.

Ҳалит Эргенч ва Бергузар Корел

Ҳалит Эргенч ва Бергузар Корел — уйда қолишни афзал кўради. Бергузар ўз интервьюсида кунни уйда пижамада ўтказиши мумкинлигини ва кимникигадир ташриф буюришдан кўра меҳмон кутишни яхши кўришини бир неча бор айтиб ўтган. Улар кўпинча оилавий кечалар уюштиради ва болалар ҳам бундан завқланади.