Ўзбекистонда июнь ойида энг қиммат ва энг арзон палов қаерда тайёрлангани маълум қилинди

Давлат статистика қўмитаси Ўзбекистон вилоятлари марказий ҳудудлари кесимида 2022 йилнинг июнь ойида тайёр паловнинг ўртача нархларига оид маълумотларни эълон қилди.

Маълум қилинишича, энг қиммат палов Тошкент шаҳрида сотилган бўлиб, бир порцияси 25 800 сўм бўлган. Ундан кейинги ўринлардан Бухоро ва Тошкент вилоятлари (21 300 сўмдан) жой олган. Энг арзон ош эса Наманган вилоятида — бир порцияси 15 000 сўмдан сотилган.

Бир порция ошнинг қолган ҳудудлардаги ўртача нархи қуйидагича:

• Қорақалпоғистон Республикаси — 18 000 сўм;
• Андижон вилояти — 19 800 сўм;
• Жиззах вилояти —19 800 сўм;
• Қашқадарё вилояти — 20 300 сўм;
• Навоий вилояти — 18 000 сўм;
• Самарқанд вилояти — 20 300 сўм;
• Сурхондарё вилояти — 19 600 сўм;
• Сирдарё вилояти — 17 700 сўм;
• Фарғона вилояти — 18 300 сўм;
• Хоразм вилояти — 19 800 сўм.