Наманган вилояти Мингбулоқ туманида Lacetti ЙТҲга учраши оқибатида ҳайдовчи ҳалок бўлди. Бу ҳақда ИИБ ЖХХ ЙҲХБ хабар берди.
Маълум қилинишича, 30 июнь куни соат 23:30 ларда, туманнинг «Қозоқовул» МФЙ ички йўлида Lacetti’ни бошқариб кетаётган ҳайдовчи бошқарувни йўқотиб, йўл четига ағанаган. Ағанаш натижасида автомобилда ёнғин содир бўлган.
Ҳодиса оқибатида ҳайдовчи бош мия очиқ шикасти ташхиси билан воқеа жойида вафот этган.
Мазкур ҳолат бўйича туман ИИБ ҳузуридаги Тергов бўлими томонидан терговга қадар текшириш ҳаракатлари олиб борилмоқда.
Изоҳ (0)