Россиянинг Новосибирск шаҳрида оғир аҳволда қолган Ўзбекистон фуқароси мамлакатга қайтарилди, дея хабар бермоқда Ташқи меҳнат миграцияси агентлиги.
Маълум қилинишича, 2012 йилда Новосибирск шаҳрига ишлаш мақсадида борган фуқаро П.Э. саломатлиги ёмонлашганлиги сабабли оғир аҳволда қолган.
Онахонга Ўзбекистоннинг Новосибирск шаҳридаги Бош консулхонаси томонидан ватанга қайтиш гувоҳномаси расмийлаштириб берилди.
Новосибирск шаҳридаги ватандошлар ёрдамида авиачипта олиб берилиб, тиббиёт ходимлари жалб этилган ҳолда Новосибирск–Андижон йўналишидаги авиарейс орқали Ўзбекистонга қайтарилди.
Изоҳ (0)