Тошкент шаҳрининг Янгиҳаёт тумани электр тармоқлари корхонаси ходими фирибгарлик устида ушланди, деб хабар беради Бош прокуратура ҳузуридаги департамент.
Маълум қилинишича, департаментнинг Янгиҳаёт туман бўлими томонидан тезкор тадбир ўтказилган. Тадбирда туман электр тармоқлари корхонаси юрисконсулти Ф.И. фуқаро Б.нинг электр энергия истеъмолидан вужудга келган 9 миллион сўм қарздорлигини судда ишловчи танишлари орқали камайтириб беришни ваъда қилгани аниқланган. Бунинг эвазига у 100 доллар ва 500 минг сўмни ЭТКнинг маъмурий биноси олдида олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкентда иссиқ сувдан қарздорликни сўндириб бериш учун 270 доллар олган иссиқлик тарқатиш бўлими ходими ушлангани тўғрисида хабар берилганди.
Изоҳ (0)