1 августдан бошлаб Uzbekistan Airways Тошкент—Сеул—Тошкент халқаро йўналиши бўйича парвозлар сонини кўпайтиради. Бу ҳақда Uzbekistan Airways хабар берди.
Маълум қилинишича, эндиликда авиақатновлар ҳафтасига 5 марта — сешанба, пайшанба, жума, якшанба ва душанба кунлари амалга оширилади:
- Тошкентдан жўнаб кетиш: 22:15 (Тошкент вақти билан);
- Сеулга етиб бориш: 08:25 (Сеул вақти билан);
- Сеулдан жўнаб кетиш: 10:10 (Сеул вақти билан);
- Тошкентга етиб бориш: 13:20 (Тошкент вақти билан).
Аввалроқ Қанот Шарқ Самарқанд ва Москва ўртасида мунтазам авиақатновларни йўлга қўйгани, Turkish Airlines Истанбулдан Бухорога авиақатновларни амалга ошириши тўғрисида хабар берилганди.
Изоҳ (0)