Фарғона вилояти Бешариқ туманида фолбин фуқарони алдаб, моддий бойликларини тортиб олгани аниқланди. Бу ҳақда вилоят Ички ишлар бошқармаси хабар қилди.
Қайд этилишича, М.Н. исмли аёл ИИБга мурожаат қилиб, унда номаълум шахс унинг яшаш хонадонига келиб, унга тез кунда набирали бўлишини айтган. У фолбинлик амаллари билан унинг ишончига кириб, умумий нархи 4,5 миллион сўмлик тилла тақинчоқлари ва 50 минг сўм пулини фирибгарлик йўли билан қўлга киритган.
Ҳолат юзасидан Бешариқ туман ИИБ ҳузуридаги тергов бўлими томонидан Жиноят кодексининг 168-моддаси (фирибгарлик) 2-қисми билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни Қашқадарё вилояти Шаҳрисабз туманида яшовчи С.Ч. содир этгани аниқланиб, процессуал тартибда ушланган.
Юқорида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.
Изоҳ (0)