«Манчестер Юнайтед» Роналду кетадиган бўлса Неймарни олиб келмоқчи, унга АПЛнинг бошқа клубидан ҳам қизиқиш бор

«ПСЖ» ҳужумчиси Неймар фаолиятини Англияда давом эттириши мумкин.

RMC Sport хабар беришича, «Манчестер Юнайтед» футболчини ўз сафига қўшиб олиши мумкин бўлган жамоалардан бири. Агарда Криштиану Роналду жамоани тарк этса, манкунианлар бразилияликни харид қилмоқчи.

Шунингдек, Неймарда «Ньюкасл»га ўтиш вариант ҳам мавжуд.

30 ёшли футболчи ЖЧ—2022 га муносиб тайёргарлик кўриш учун клубини ўзгартиришни истамаяпти.

Аввалроқ «ПСЖ»нинг қатарлик хўжайинлари ҳужумчининг жамоадан кетишини хоҳлаётгани хабар қилинганди. «Барселона»га Неймарни 50 млн еврога сотиб олиш таклиф қилингани маълум бўлганди.

Неймар 2017 йилдан буён парижликлар шарафини ҳимоя қилиб келади. «ПСЖ» ҳужумчи учун «Барселона»га 222 миллион евро тўлаб берган эди. Бразилияликнинг амалдаги шартномаси 2025 йил ёзида ўз ниҳоясига етади.

Бразилиялик 2021/22 йилги мавсум «ПСЖ» сафида барча мусобақаларда 28 та ўйинда иштирок этиб, 13 та гол ва 8 та голли узатмага муаллифлик қилди.