ДХХ Чегара қўшинлари 1 миллион АҚШ долларининг ноқонуний олиб чиқиб кетилишига чек қўйди.
Маълум қилинишича, 22 июнь куни Андижон вилояти Пахтаобод туманидан ўтувчи ўзбек—қирғиз давлат чегараси ҳудудида хизмат ўтаётган ДХХ Чегара қўшинлари ҳарбий хизматчилари катта миқдордаги хорижий валютани мамлакатдан ноқонуний олиб чиқиб кетилишининг олдини олган.
Хусусан, Пахтаобод туманида яшовчи фуқаро А.Д. иккита полиэтилен қопда бўлган 1 миллион долларни Қирғизистонга ноқонуний ўтказмоқчи бўлган вақтида қўлга олинган.
Ҳозирда мазкур фуқарога нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари олиб борилмоқда.
Маълумот учун, қонунчиликка кўра 100 миллион сўмгача эквивалентдаги нақд хорижий валютани Ўзбекистон ҳеч қандай рухсатномасиз олиб чиқиш мумкин. Шунингдек, 70 миллион сўмгача бўлган эквивалентдаги маблағлар учун декларация талаб қилинмайди.
Аввалроқ Тошкент халқаро аэропортида 286 минг доллардан ортиқ пулни норин, кабоб, пахлава каби егуликлар орасига яшириб, божхонадан олиб ўтилишининг олди олингани, Андижонда 113 минг долларни нон ва кийимлари орасига яшириб, Қирғизистонга олиб ўтмоқчи бўлган шахс ушлангани ҳақида хабар берилган эди.
Мавзуга доир:
Изоҳ (0)