DXX Chegara qo‘shinlari 1 million AQSH dollarining noqonuniy olib chiqib ketilishiga chek qo‘ydi.
Ma’lum qilinishicha, 22-iyun kuni Andijon viloyati Paxtaobod tumanidan o‘tuvchi o‘zbek—qirg‘iz davlat chegarasi hududida xizmat o‘tayotgan DXX Chegara qo‘shinlari harbiy xizmatchilari katta miqdordagi xorijiy valyutani mamlakatdan noqonuniy olib chiqib ketilishining oldini olgan.
Xususan, Paxtaobod tumanida yashovchi fuqaro A.D. ikkita polietilen qopda bo‘lgan 1 million dollarni Qirg‘izistonga noqonuniy o‘tkazmoqchi bo‘lgan vaqtida qo‘lga olingan.
Hozirda mazkur fuqaroga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari olib borilmoqda.
Ma’lumot uchun, qonunchilikka ko‘ra 100 million so‘mgacha ekvivalentdagi naqd xorijiy valyutani O‘zbekiston hech qanday ruxsatnomasiz olib chiqish mumkin. Shuningdek, 70 million so‘mgacha bo‘lgan ekvivalentdagi mablag‘lar uchun deklaratsiya talab qilinmaydi.
Avvalroq Toshkent xalqaro aeroportida 286 ming dollardan ortiq pulni norin, kabob, paxlava kabi yeguliklar orasiga yashirib, bojxonadan olib o‘tilishining oldi olingani, Andijonda 113 ming dollarni non va kiyimlari orasiga yashirib, Qirg‘izistonga olib o‘tmoqchi bo‘lgan shaxs ushlangani haqida xabar berilgan edi.
Mavzuga doir:
- DXX Qozog‘istonga 1 mln dollarga yaqin valyutani noqonuniy olib chiqishga uringan poyezd mashinistlarini qo‘lga oldi
- Sirdaryoda DXX 15 mlrd so‘mlik xorijiy valyutaning noqonuniy olib chiqib ketilishini fosh qildi
- DXX 400 ming dollar va 4,1 mln rublni xorijga noqonuniy olib chiqib ketayotganlarni qo‘lga oldi
Izoh (0)