АҚШ штатлари эндиликда абортни тартибга солувчи қонунни ишлаб чиқади, чунки мамлакат Олий суди федерал даражада аборт қилиш ҳуқуқини кафолатловчи қарийб эллик йиллик қарорни бекор қилди.
«Конституция аборт қилиш ҳуқуқини бермайди, абортни тартибга солиш ҳуқуқи эса халқ ва унинг сайланган вакилларига қайтарилади», дейилади суд баёнотида.
Аборт ҳуқуқини кафолатловчи қарор «Роэ Уэйдга қарши» суд ишида қабул қилинганди. Ушбу процедура 1973 йилда қабул қилинган ва шундан бери аборт қилиш ҳуқуқини тақиқловчи штат қонунларини чеклаш ёки бекор қилиш учун қайта-қайта фойдаланилган. Эндиликда ҳар бир штат аёлларга уларнинг ҳудудида аборт ҳуқуқи берилишини ўзлари ҳал қилади.
АҚШнинг камида йигирма икки штати абортни бутунлай ёки аксарият ҳолларда тақиқлаши кутилмоқда.
Изоҳ (0)