Голливуд юлдузи Бред Питт «ГҚ» журналига берган интервьюсида ҳозирда унга фильмларда суратга тушиш қийинчилик туғдираётганини айтиб ўтди, деб ёзади People Talk.
«Назаримда, кучим қолмаётганини ҳис этяпман», — дейди 58 ёшга кирган актёр. — «Бу охирги семестр ёки триместр бўлиши мумкин. Ушбу босқичда нималар бўлади? Уни қандай лойиҳалаштиришим керак?»– дея савол билан мурожаат қилган у.
Кетишдан олдин актёр, албатта, бир нечта фильмларда рол ўйнайди. Масалан, «Ўқдан тез» жанговар фильми 2022 йилнинг август ойида намойиш этилади. Deadline нашри эса июнь ойи бошида Apple «Формула-1» фильми учун ҳуқуқларни сотиб олганини эълон қилганди, унда Бред Питт ҳам бош роллардан бирини ижро этган.
Эҳтимол, актёр кейинчалик продюсерлик билан шуғулланиши ҳам мумкин. Эслатиб ўтамиз, у сўнгги 20 йил ичида учта «Оскар» мукофотига сазовор бўлган. Шунингдек, «Plan B» продюсерлик компаниясига эгалик қилади. Бу сўнгги йилларда Бреднинг актёрлик карьерасини якунлаш ҳақида биринчи бор гапириши эмас. Шундай бўлса ҳам у суратга тушишда давом этмоқда, мухлислар эса Голливуд юлдузи яна узоқ йиллар давомида томошабинларни янги фильмлар билан хурсанд қилишидан умидвор.
Мавзуга доир:
- Голливуд юлдузи Бред Питт собиқ рафиқаси Женнифер Энистонга 79 миллион долларлик уй совға қилди
- Приянка Чопра текинга, Бред Питт бир чашка қаҳва учун — машҳур фильмлардаги роллари учун гонорар олмаган актёр ва актрисалар
- «Ниқоб» эмас, «Кабелчи»: Голливуднинг машҳур актёр ва актрисалари қайси роллари билан фахрланади? (фото)
Изоҳ (0)