Қатарда бўлиб ўтадиган Жаҳон Чемпионатида терма жамоалар қайдномага 26 нафар ўйинчини киритиши мумкин бўлади. ФИФА бу ҳақда тез орада эълон қилиши кутилмоқда.
Шу тариқа ҳар бир мураббий қўл остида 15 нафар захира футболчиси бўлади. Бунга қадар қайдномага 23 нафар футболчини киритиш мумкин бўлган.
Ўтган ҳафта Халқаро футбол ассоциацияси кенгаши (IFAB) 5 футболчи алмаштириш қоидасини доимий бўлишини тасдиқлади. У амалиёт коронавирус пандемияси даврида жорий қилинган ва вақтинчалик чора вазифасини ўтаганди. Аммо энди у доимий давом этади. Мураббийлар мундиал вақтида ҳам учта имкониятда 5 футболчи алмаштириши мумкин бўлади.
Эслатиб ўтамиз, Қатарда бўлиб ўтадиган Жаҳон Чемпионати 2022 йилнинг 21 ноябридан 18 декабрига қадар бўлиб ўтади. 2018 йил Россияда бўлиб ўтган мундиалда Франция терма жамоаси Хорватияни мағлуб этиб, чемпионга айланган эди.
Изоҳ (0)