«3 фоиз обуначи Telegram’нинг барча харажатларини қоплай олади» — Дуров

Telegram’да пуллик обуна — Telegram Premium пайдо бўлган эди.

Ҳозирда Telegram’нинг ойлик фойдаланувчилари сони 700 миллиондан ошди. Telegram асосчиси Павел Дуров қанча обуна орқали мессенжер харажатларини қоплаш мумкинлиги ҳақида маълум қилди.

Telegram Premium’нинг афзаллиги шундаки, агар фойдаланувчиларнинг атиги 2,5-3 фоизи ушбу обуна учун рўйхатдан ўтса, мессенжер ўз харажатларини фақат фойдаланувчилари томонидан қоплай олади, — деб ёзган Дуров.

Унга кўра, бу ижтимоий медиа хизматлари тарихига янги, фойдаланувчига йўналтирилган даврни олиб киради.

Premium обуна нархи — ойига 65 минг сўм атрофида. Унга эга бўлган фойдаланувчилар эса Telegram’да рекламадан озод бўлади.

Аввалроқ Telegram’да яқинда пайдо бўладиган пуллик аккаунтлар ҳақида тўлиқ маълумотлар берилган эди.