Энг йирик уяли алоқа операторлари алоқа хизматларини кўрсатиш бўйича шартнома тузиш чоғида SIM карта учун тўлов олишни бошлади. Бу ҳақда «Коммерсантъ» хабар берди.
Олдин операторлар ўз мижозларини SIM карта билан таъминлаш орқали субсидиялаган. Охирги ойларда операторлар учун SIM карталар нархи 3,5 бараварга ошди, чунки улар Ғарб ишлаб чиқарувчиларидан харидни тўхтатиб, Хитой SIM карталарига ўтишга мажбур бўлди.
Вазият операторлар абонент базасининг ўсиш суръатларига ва интернет бозорининг ривожланишига салбий таъсир кўрсатиши мумкин.
Операторлар алоқа хизматлари учун шартнома тузишда сим-карта учун ҳақ олишни бошлади. «МегаФон» ва унинг шўъба корхонаси Yotа аллақачон 50 рубль миқдорида тўлов жорий қилган.
Vimpelcom (Beeline бренди) 21 июндан бошлаб хизматни пулли қилишни режалаштирмоқда, у ҳам 50 рубль нарх қўйган.
«МTC» 24 июнда, «Теле2» эса 1 августда сотишни бошлайди. Бозордаги яна бир манбага кўра, «МTC» аллақачон мамлакатнинг қатор ҳудудларида SIM карталар учун тўлов жорий этган.
Ўзгаришлар компаниянинг хизмат кўрсатиш ва алоқанинг юқори сифатини сақлаб қолишдаги харажатларининг ошиши билан боғлиқ, — деб тушунтирилди «МегаФон».
Илгари операторлар SIM картанинг нархини абонент билан шартнома тузишда оператор хизматларидан узоқ вақт фойдаланиш орқали тўланади деб ўз зиммаларига олган.
Энди бу фойдасиз бўлиб қолди, чунки янги SIM карталар асосан вақтинчалик фойдаланиш учун сотиб олинади, — деди TelecomDaily бош директори Денис Кусков.
Июнь ойида оператор учун битта SIM карта нархи ўтган йилнинг шу даврига нисбатан 250 фоизга ошди. Сентябрга бориб идентификация модули нархининг ўсиши 420 фоизга етиши мумкин.
МФорум таҳлилчиси Алексей Бойконинг сўзларига кўра, 24 февралгача россиялик операторлар йирик глобал сотувчилардан, жумладан Европа Gemalto, Giesecke+Devrient ва бошқалардан сим-карталарни харид қилишни афзал кўрган.
Оммавий ишлаб чиқаришни ҳисобга олган ҳолда, уларнинг нархи нисбатан паст эди. Европалик ишлаб чиқарувчиларнинг SIM карталарини сотиб олиш имкониятидан маҳрум бўлган операторлар қимматроқ бўлган осиёлик сотувчилар билан савдо қилишга мажбур бўлмоқда, — дейди у.
Агар SIM карталарни етказиб бериш билан боғлиқ муаммо янги даражага чиқса, бу интернет бозорининг қисқаришига олиб келиши мумкин.
Изоҳ (0)