Истеъмолчилар ҳуқуқларини ҳимоя қилиш агентлиги ўз ваколати доирасида спорт тадбирида намойиш этилган «1xbet» савдо белгиси ҳақидаги мурожаатни ўрганиб чиқди.
«Zo‘r TV» телеканали орқали 10 июнь, соат 17:15 да Қозоғистоннинг Олмаота шаҳрида ташкил этилган аралаш яккакураш турлари бўйича «Octagon 31» спорт тадбири тўғридан-тўғри эфирга узатилган.
Ушбу спорт тадбири «1xbet» савдо белгиси ҳамкорлигида ташкил этилганлиги ва унда белги яққол намойиш қилингани аниқланган.
Ўзбекистон ҳудудида қимор ўйинларини ва таваккалчиликка асосланган бошқа ўйинларни ташкил этиш ва ўтказиш тақиқланган.
Шу боис «Zo‘r TV»га қонун бузилиш ҳолатларининг олдини олиш юзасидан тегишли кўрсатма берилди.
Умуман олганда, агентлик 2021—2022 йилларда ижтимоий тармоқлар, мессенжерлар ва ташқи реклама воситалари орқали тотализатор ва букмекерлик хизматларига доир 348 та реклама аниқлаган ва 32 та сайтни блоклаган.
Аввалроқ Ўзбекистонда букмекерлик фаолиятини қонунийлаштириш бекор қилинган эди.
Изоҳ (0)