18 июнь, шанба куни eBay’да Уоррен Баффет билан бирга овқатланиш ҳуқуқи учун сўнгги кимошди савдоси якунланди. Бу ҳақда «Коммерсантъ» хабар бермоқда.
Бу сафар номи ҳозирча номаълум бўлган ғолиб 19 млн доллардан кўпроқ пул тўлашга рози бўлди ва бу янги рекорд.
Бунгача Berkshire Hethaway раҳбари билан овқатланиш имконияти учун тўланган энг катта сумма 4,57 млн долларни ташкил этган.
2019 йилда криптовалюта тадбиркори Жастин Сун буни тўлаган эди. Бундан ташқари, eBay’да қайд этилганидек, бу хайрия мақсадларида сайтда тўланган рекорд миқдордир.
Уоррен Баффет 2000 йилдан бери eBay’да хайрия аукционларини ўтказиб келади. Ҳозиргиси кетма-кет 21-аукцион бўлди.
Аукционлар 2020 ва 2021 йилларда COVID-19 пандемияси туфайли ўтказилмаган.
Кимошди савдосидан тушган барча даромадлар Сан-Францискода жойлашган Glide нотижорат ташкилотига йўналтирилади, у камбағалларга, уйсизларга ва гиёҳвандлик билан курашаётганларга ёрдам беради.
2000 йилдан бери Уоррен Баффет хайрия кечки овқатлари орқали ташкилот учун 53,2 млн доллар йиғди.
Аввалроқ дунёдаги энг бой 50 киши ярим триллион доллардан кўпроқ маблағ йўқотгани ҳақида хабар берилган эди.
Изоҳ (0)