17 июнь куни Франция эндиликда Россия газини қувурлар орқали қабул қилмаслигини маълум қилди. Бу ҳақда «Коммерсантъ» хабар берди.
15 июндан бошлаб Франция ва Германия ўртасида газ оқими тўхтатилди, — дейилади Франциянинг GRTGaz компанияси баёнотида.
Сўнгги кунларда «Газпром» Европа мамлакатларига, хусусан, «Шимолий оқим 1» газ қувури орқали Германияга газ етказиб беришни сезиларли даражада камайтирди, бу эса Францияга экспортни тўхташига олиб келиши мумкин.
Бироқ Франциядаги омборхоналар 56 фоиз газ билан тўлганлиги сабаб GRTGaz хавотирланмасликка чақирди. Компания қишга тайёргарлик кўриш учун уларни тўлдиришни давом эттиради.
Германиядан оқимларнинг камайиши Испаниядан импортнинг кўпайиши ва LNG терминаллари, асосан, метан қувватларининг ошиши билан қопланади.
«Газпром» ускуналар билан боғлиқ муаммолар туфайли «Шимолий оқим» орқали Европага газ етказиб беришни тўхтатмоқда.
Германия ҳукумати таъминотнинг қисқариши техник муаммоларга эмас, балки сиёсий сабабларга кўра, деб ҳисобламоқда.
Ушбу янгилик фонида Европада газ нархи ошиб бормоқда. 16 июнь куни савдо очилишида улар апрель бошидан бери биринчи марта 1450 доллардан ошди.
Аввалроқ Европа иссиқлик ва электр энергиясининг юқори нархларига қандай кўникаётгани ҳақида хабар берилган эди.