Ярим ҳимоячи Остон Ўрунов «Спартак»ни тарк этади.
«РБ Спорт» хабарига кўра, Москва клубининг 21 ёшли ўзбекистонлик футболчи билан ёзги трансфер ойнаси ёпилгунга қадар шартномани бекор қилиш эҳтимоли юқори.
Томонлар ўртасидаги амалдаги келишув 2025 йилгача мўлжалланган. Москваликлар Ўрунов билан шартномани бир томонлама бекор қилса, футболчининг келишувда кўрсатилган муддатга қадар маошини тўлаб беришига тўғри келади.
Маълумот учун, Ўрунов 2020/21 йилги мавсум ўртасидан бошлаб «Уфа»да ижара асосида ўйнади. Бироқ клуб мавсум якунига кўра қуйи лигага тушиб кетди.
Аввалроқ Остон Ўруновнинг «Спартак»да ойига 50 минг евро, йилига эса 600 минг евро маош олиши ҳақида хабарлар тарқалганди.
Ўрунов «Спартак» сафида 9 та ўйин ўтказиб, 1 та голга муаллифлик қилган.
Изоҳ (0)