«Ливерпуль» «Реал» футболчиси учун курашга қўшилди

«Реал» ҳужумкор ярим ҳимоячиси Марко Асенсио фаолиятини «Ливерпуль»да давом эттириши мумкин.

АS нашрининг хабар қилишича, «қизиллар» футболчининг вакиллари билан боғланган.

Марконинг ўзи унга ўйин амалиётини кафолатлайдиган жамоага ўтмоқчи. «Ливерпуль» ҳужум чизиғидаги рақобатни инобатга олган ҳолда бунинг имконияти кам.

Асенсио келажаги билан боғлиқ қарорни қабул қилишда шошилмоқчи эмас. У бир неча ой илгари агенти Жорже Мендешга энг яхши вариантларни қидиришни буюрган.

Аввалроқ испаниялик ўйинчига «Милан», «Манчестер Юнайтед», «Ювентус», «Арсенал» ва «Ньюкасл»дан қизиқиш борлиги хабар қилинганди.

26 ёшли вингернинг «Реал» билан амалдаги шартномаси 2023 йилнинг ёзига қадар мўлжалланган.