Тошкентдаги «Бунёдкор» стадионида 19 июнь, якшанба куни футбол бўйича U-23 Осиё Кубоги—2022 мусобақасининг финал баҳси бўлиб ўтади. Унда Темур Кападзе қўл остидаги Ўзбекистон U-23 терма жамоаси Саудия Арабистонига қарши майдонга тушади.
Ўзбекистон ярим финални мухлисларсиз ўтказганди, ҳал қилувчи ўйинда томошабинлар ташрифига рухсат берилган.
Ўзбекистон олимпиячилари гуруҳда Туркманистон, Эрон ва Қатарни ортда қолдирган ҳолда, биринчи ўрин билан чорак финалга йўл олди. Драматик ўйинда Ироқни енгган мезбонлар ярим финалда Японияга имкон қолдирмади.
Саудияликлар ўз гуруҳида Япония, БАА ва Тожикистондан ўтиб, чорак финалга чиқди. Аввалига Вьетнам, кейин эса Австралия 2:0 ҳисобида мағлубиятга учратилди. Қайд этиш керак, Саудия Арабистони ушбу мусобақада ҳозирга қадар ҳали бирорта гол ўтказиб юбормади.
Учрашув 18:00 да старт олади. Мухлисларнинг стадионга кириши 14:00 дан бошланиши маълум қилинган. Ўйингоҳга кира олмаган ишқибозлар учун «Бунёдкор» автотураргоҳи ёнида монитор ўрнатилади.
Мавзуга доир:
Изоҳ (0)