Буюк Британия бош вазири Борис Жонсон Ғарб давлатлари етакчиларини Украинада узоқ давом этадиган ҳарбий ҳаракатларга тайёрланишга чақирди. The Sunday Times газетаси учун ёзган мақоласида у иттифоқчилар Киевни «омон қолиш ва албатта ғалаба қозониш учун стратегик чидамлилик» билан таъминлаши кераклигини ҳақида ёзди.
«Ҳозирги вақт — бу муҳим ҳаётий фактор» — деб ёзган Жонсон ўз мақоласида. Унинг фикрича, барчаси Украина ўз кучларини Россиядан кўра тезроқ тўплай олишига боғлиқ.
Буюк Британия бош вазири 17 июнь куни уруш бошлангандан буён иккинчи бор Киевга ташриф буюрди. У Украина президенти Владимир Зеленский билан ҳаво ҳужумидан мудофаа воситалари ва иқтисодий ёрдам масалаларини муҳокама қилган.
Сафар якунида Жонсон Лондоннинг Украина ҳудудида узоқ муддат давом этаётган ҳарбий ҳаракатлар фонида «Украинадан чарчоқ» пайдо бўлишини инобатга олган ҳолда, уни узоқ муддат қўллаб-қувватлашда давом этиши муҳим эканини айтиб ўтди.
Изоҳ (0)