Ўзбекистондаги 61 та деҳқон бозорида санитария қоидалари ва гигиена нормативларга риоя этилмагани аниқланди. Бу ҳақда Санитария-эпидемиологик осойишталик ва жамоат саломатлиги хизмати ахборот хизмати хабар берди.
Аниқланган ҳолатлар бўйича 73 нафар мансабдор ва жавобгар шахсларга нисбатан маъмурий баённомалар тузилиб, қонунчиликда белгиланган тартибда кўриб чиқиш учун ҳудудий судларга юборилган. Тиббий кўрикдан ўтмаган 72 нафар сотувчи аниқланиб, уларни тиббий кўрикдан ўтишлари ташкил этилган.
Шунингдек, гўшт, сут, қандолат, салат ва нон маҳсулотларини савдо расталаридан ташқарида, аравачаларда, махсус кийимларсиз, тиббий кўрикдан ўтмасдан, санитария қоидаларига зид равишда савдо қилаётган 158 нафар фуқарога маъмурий баённома тузилиб, ўрнатилган тартибда жаримага тортилган.
Сифати ва хавфсизлиги кафолатланмаган, яроқлилик муддати ўтган, органолептик кўрсатгичлари бўйича нормаларга жавоб бермайдиган 440 тоннадан ортиқ озиқ-овқат маҳсулотлари савдоси тақиқланиб, ўрнатилган тартибда браковка қилинган
Бундан ташқари, республикадаги 30 та деҳқон бозорида ветеринария-санитария экспертиза лабораториялари ташкил этилмагани аниқланган. Жумладан, Самарқанд вилоятида 53 та деҳқон бозордан 9 тасида, Жиззах вилоятида 23 та деҳқон бозори бўлиб шундан 7 тасида, Фарғона вилоятида эса 24 та деҳқон бозоридан 3 тасида ветеринария-санитария экспертиза лабораториялари мавжуд эмас.
Бундан аввал ушбу мунтазам ЙПХ масканида салкам 1 тонна истеъмолга яроқсиз гўшт олиб ўтилишига чек қўйилганди. Шунингдек, келиб чиқиши номаълум 830 кило гўшт маҳсулотларини олиб кетаётган Cobalt, яна бир машинада эса касал бўлиб сўйилган 700 килограммга яқин чорва моллари гўшти Қашқадарёдан Тошкентга олиб кирилаётганда тўхтатиб қолинганди.
Изоҳ (0)