Андижон вилояти Марҳамат туманидаги ошхоналарнинг бирида ёнғин содир бўлди, деб хабар беради ФВВ матбуот хизмати.
Маълум қилинишича, 17 июнь куни соат 06:52 да Андижон вилояти Марҳамат тумани «Ўзбекистон» МФЙ, Ипак йўли кўчасида жойлашган «Бешбола» умумий овқатланиш ошхонасида ёнғин содир бўлаётгани тўғрисида вилоят ФВБга хабар келиб тушган.
Шунга кўра 6 та ёнғин-қутқарув экипажи соат 06:56 да воқеа жойига етиб бориб, ёнғин соат 07:08 да қуршаб олинган ва соат 07:58 да бартараф этилган.
Ёнғин натижасида ошхона 3-қаватининг тахминан 250 квадрат метр майдонда том, шифт ва ички қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Аввалроқ Олмалиқдаги қўшма корхонада портлаш содир бўлгани, Самарқандда савдо шохобчасида ёнғин чиққани, Когон шаҳрининг «Газчилар» қўрғонида ёнғин содир бўлгани тўғрисида хабар берилганди.
Изоҳ (0)