Самарқанд вилоятининг Ургут туманида тадбиркор ўзининг яшаш хонадонида маҳаллий услубда чиқиндидан биогаз ишлаб чиқаришни йўлга қўйди. Бу ҳақда Энергетика вазирлиги хабар бермоқда.
Ургутлик фуқаро Чингиз Баротов қўлбола усулда ясалган махсус ускуна орқали уйида боқилаётган мол, қўй ва паррандалардан чиқаётган гўнгни қайта ишлаб, метан газини ишлаб чиқармоқда.
Бу каби нанотехнологиялар Хитойда кўплаб уй хўжаликларида мавжуд бўлиб, ҳар тарафлама фойдали ва экологик жиҳатдан хавфсизлиги айтилмоқда.
Тадбиркор айни дамда ўзига тегишли 20 га яқин мол ва қўйларидан чиққан гўнгларни қайта ишлаб бир кунда 20-25 куб метр биогаз ишлаб чиқармоқда.
Бу орқали тумандаги 200 ўринли хусусий боғча ва ўз хонадонини газ билан таъминламоқда.
Маҳалламизда газ тармоғи йўқ. Газга эҳтиёжимиз борлиги учун мана шу махсус ускунада боғчани ва ўзимизни газ билан таъминлаяпмиз. Буни 12-13 йил аввал Хоразмга борганимда кўрган эдим, — дейди Чингиз Баротов
Маълум бўлишича дастлаб синов тариқасида бу ускуна фойдаланилган бўлса-да, ҳозирда Ургутдаги яна 3 та жойда ўрнатилган.
Мавзуга доир: 20 миллионлик энергия иқтисоди: Жомбойда тадбиркор қуёш фотоэлектр станциясини ишга туширди
Изоҳ (0)