Шавкат Мирзиёев 15 июнь куни аҳолини касб-ҳунарга ўқитиш ва мономарказлар фаолиятини такомиллаштириш чора-тадбирлари юзасидан ўтказган видеоселектор йиғилишида Ўзбекистон ўрта махсус таълим тизимини танқид қилди.
Президент матбуот хизматининг қайд этишича, йиғилишда 330 та касб-ҳунар мактаби, 173 та коллеж ва 207 та техникуман иборат тизим самарали ишлатилмаётгани, уар мавжуд қувватларининг атиги 40-50 фоизидан фойдаланаётгани қайд этилди.
Таъкидланишича, Энергетика, Сув хўжалиги, Уй-жой коммунал вазирликларига берилган коллежлар 20 фоиз, Қурилиш, Транспорт вазирликлари коллежлари 10 фоиз қувватда ишлаяпти. Жорий йилда коллеж ва техникумларнинг 15 мингга яқин ўқувчилари контракт пулини тўлаш имконияти йўқлиги боис, ўқишни давом эттира олмаган.
Шунингдек, коллеж ва техникумлардаги касблар иш берувчилар талабига мос эмаслиги, оқибатда улар ишга олган ёшларни қайтадан ўқитишга мажбур бўлаётгани, ўқув дастурлари эса замон талабларидан анча орқадалиги, 1 350 номдаги касбий дарслик ва адабиётлар етишмаслиги қайд этилди.
«Бу муаммолар ечими билан шуғулланадиган мутасадди вазирликлар тизимли ишламаётгани танқид қилинди. Шу боис касб-ҳунар таълимини замон талабларига мослаштириш бўйича янги тизим жорий қилиниши белгиланди», — дейилади президент матбуот котиби хабарида.
Изоҳ (0)