Самарқанд вилояти Фавқулодда вазиятлар бошқармаси ходимлари томонидан 43 дақиқа ичида 2 та ёнғин бартараф этилди, дея хабар бермоқда вилоят ФВБ ахборот хизмати.
Маълум қилинишича, 14 июнь соат 13:07 ларда 101 қисқа рақами орқали Паст Дарғом тумани «Олти қаҳрамон» МФЙда трактор тиркамасига юкланган прес сомонларида ёнғин содир бўлгани тўғрисида маълумот келиб тушди.
Воқеа жойига 1 та ёнғин-қутқарув экипажи юборилган. Қутқарувчилар ҳодиса жойига соат 13:10 да етиб борган. Соат 13:44 да ёнғин батамом ўчирилган. Ёнғин оқибатида 100 га яқин сомон тойлари ёниб зарарланган. Жабрланганлар йўқ.
Шунингдек, соат 13:11 да Каттақўрғон тумани «Навбаҳор» МФЙда тракторни 2 та тиркамасига юкланган сомонда ёнғин содир бўлаётганлиги тўғрисида маълумот қабул қилинган. Зудлик билан воқеа жойига 2 та ёнғин-қутқарув экипажи юборилган.
Қутқарувчилар ҳодиса жойига соат 13:15 да етиб боришган. Соат 13:50 да ёнғин батамом ўчирилган. Ёнғин натижасида тахминан 400 килограмм атрофида сомон ёниб зарарланган. Жабрланганлар йўқ.
Изоҳ (0)