Пол Погба «Ювентус»га ўтади.
Томонлар ҳамкорликнинг сўнгги тафсилотлари бўйича келишиб олди, дея хабар беради Goal. Ярим ҳимоячининг трансфери июль ойида расман эълон қилинади.
Франциялик футболчи 2012 йилдан 2016 йилга қадар Турин клубида фаолият олиб борган. Шундан сўнг «Манчестер Юнайтед» уни сотиб олганди. Хавбек инглиз жамоасини ёзда эркин агент сифатида тарк этади.
Аввалроқ «Манчестер Юнайтед» Погба жамоани тарк этишини маълум қилганди. Полга «Ювентус» қизиқиш билдираётган бўлса-да, Зидан «ПСЖ» бош мураббийига айланса, француз Париж клубига ўтишни маъқул кўриши хабар қилинганди.
29 ёшли футболчи 2021/22 йилги мавсум «Манчестер Юнайтед» сафида 27 та ўйинда иштирок этиб, битта гол ва 9 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)