Pol Pogba “Yuventus”ga o‘tadi.
Tomonlar hamkorlikning so‘nggi tafsilotlari bo‘yicha kelishib oldi, deya xabar beradi Goal. Yarim himoyachining transferi iyul oyida rasman e’lon qilinadi.
Fransiyalik futbolchi 2012-yildan 2016-yilga qadar Turin klubida faoliyat olib borgan. Shundan so‘ng “Manchester Yunayted” uni sotib olgandi. Xavbek ingliz jamoasini yozda erkin agent sifatida tark etadi.
Avvalroq “Manchester Yunayted” Pogba jamoani tark etishini ma’lum qilgandi. Polga “Yuventus” qiziqish bildirayotgan bo‘lsa-da, Zidan “PSJ” bosh murabbiyiga aylansa, fransuz Parij klubiga o‘tishni ma’qul ko‘rishi xabar qilingandi.
29 yoshli futbolchi 2021/22-yilgi mavsum “Manchester Yunayted” safida 27 ta o‘yinda ishtirok etib, bitta gol va 9 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)