Англия терма жамоаси Миллатлар Лигасининг 4-тури доирасида Венгрияга 0:4 ҳисобида имкониятни бой берди.
«Учшерлар» ўз майдонида 1928 йилдан бери илк бор йирик ҳисобда мағлуб бўлди. Ўшанда инглизлар Шотландияга 1:5 ҳисобида ютқазиб қўйганди. Шу вақтга қадар Англия ўз уйида британиялик бўлмаган жамоаларга бу қадар йирик ҳисобда имкониятни бой бермаганди.
Англия жорий мавсум Миллатлар Лигасида ғалаба қозона олмаяпти. 1-турда ҳам Венгрияга мағлуб бўлган бўлса, 2 ва 3-турда Германия ва Италия билан дуранг ўйнади. Тўплар нисбати — 1:6.
Гарет Саутейт жамоаси гуруҳда сўнгги ўринни эгаллаб турибди. Италия 3-ўрин, Германия 2-ўрин, Венгрия эса гуруҳ етакчиси ҳисобланади.
Изоҳ (0)