Ўзбекистон миллий терма жамоаси бош мураббийи Сречко Катанец Осиё Кубоги—2023 саралаши доирасида Таиландга қарши кечган ўйиндан (2:0) кейин ўз фикрлари билан ўртоқлашди.
Ўйин ҳақидаЎзбекистон миллий терма жамоаси Осиё Кубоги—2023 саралаши гуруҳ босқичида юз фоизлик натижа қайд этиб, мусобақа финал босқичи йўлланмасига эга бўлди.Авваламбор барчангизга раҳмат айтаман. Шунингдек, футболчиларга ҳам миннатдорчилик билдираман. Яхши ўйин намойиш этдик. Тўғри, олдинги баҳсларда ҳам ишончли ўйнаганмиз, бироқ бугунги ўйин энг яхшиси эди. Учрашув давомида камида 5-6 та гол уришимиз мумкин эди.
Машарипов захирага олинганидан кейин норози бўлгани ҳақида
Буни муаммо деб ҳисобламайман. Ўзимда ҳам футболчилик пайтимда шундай ҳиссиётлар бошимдан ўтган. Бу нормал ҳолат. Ўз ишимни бажаряпман. Қолган ўйинчиларни ҳам синаб кўришим керак. Ҳеч қандай муаммо юзага келгани йўқ.
Клубларнинг терма жамоага ўйинчи етиштириб бериш жараёни ҳақида
Бу ҳақда ҳеч қандай фикр билдира олмайман. Барча мураббийларни ҳурмат қиламан. Мен фақатгина уларга маслаҳат бера олишим мумкин, чунки уларнинг ўз режалари бор. Футболчи клуб ихтиёрида бўлганида, уларга қўшимча топшириқ беролмайман. Энг яхши йўл — катта турнирлар арафасида бир ой вақт ажратилса, шунда нимадир қилоламан.
Ўзбекистон терма жамоасининг ўйин услуби ҳақида
Тактика рақибга қараб танланади. Биз бир хил тактикада ўйнамаймиз. Масалан, кеча ўйиндан олдин режамда бошқача кўриниш бор эди, бироқ баъзи ўзгаришлар киритиб, бугунги таркибни майдонга туширдим. Доимий равишда ўзимни сўроққа тутаман. Агарда юқори даражадаги 15 нафар ўта моҳир ўйинчи бўлса, бир тактикада бемалол ўйнатаверардим ва бундан хурсанд бўлардим.
Келажакдаги режалар ҳақида
Эндиликда қолган ўйинчиларни ҳам кузатамиз. Сентябрь ва ноябрь ойларида ФИФА кунлари ўтказилади. Ўйлайманки, бундан фойдаланиб, кучли жамоалар билан ўртоқлик ўйинларини ўтказамиз.
Сречко Катанец, Ўзбекистон бош мураббийи
Изоҳ (0)