13 июнь куни Украина Мудофаа вазирлиги Россия қўшинлари Северодонецк (Луганск вилояти) марказини эгаллаб олганини маълум қилди. Россия давлат агентликлари «РИА Новости» ва «ТАСС» Донецкдаги туғруқхона ўққа тутилиб, ёниб кетгани ҳақида хабар берди. ДХР вакилларининг қўшимча қилишича, шаҳар бозори ҳам ўққа тутилган – камида уч киши ҳалок бўлган (шу жумладан, бола), тўрт киши яраланган. Украина қуролли кучлари бу маълумотга изоҳ бермади. Украина полицияси раҳбари Игорь Клименко 12 мингдан ортиқ тинч аҳолининг ўлими юзасидан тергов бошланганини маълум қилди. Meduza уруш суратларини жамлади.
Одесса
Одесса опера ва балет театри ёнида гуллаган атиргуллар орасидаги қум қоплари.Фото: Sopa Images
Мариупол
Россиялик ҳарбий хизматчи «Азовсталь» заводи ҳудудидаги бинолар харобаларини кўздан кечирмоқда. Май ойи охирида «Азовсталь» мудофаасини ушлаб турган Украина «Азов» полкининг ҳарбий хизматчилари таслим бўлди. Ўшандан бери шаҳар рус қўшинлари томонидан назорат қилинмоқда.Фото: «ТАСС»
Киев вилояти
Эвакуация гуруҳи аъзолари Буча яқинидаги оммавий қабрни эксгумация қилмоқда. Март ойининг охирида рус қўшинлари Киев вилоятини тарк этиб, шаҳар кўчаларида, уйларда ва оммавий қабрларда тинч аҳолининг жасадларини қолдириб кетган. Украина полицияси раҳбари Игорь Клименко Украинада 12 мингдан ортиқ тинч аҳолининг ўлими юзасидан тергов бошланганини маълум қилди.Фото: AP Photo
Донецк
Донецкнинг Будённовский туманидаги Майский бозоридан югуриб чиқаётган эркак. ДХР вакиллари Украина Қуролли Кучларини бозорни ўққа тутишда ва унинг оқибатидаги ёнғинда айблади, Украина томони даъволарга ҳали изоҳ бермади.Фото: «ТАСС»
Ўққа тутишлардан кейин Донецк осмонига кўтарилган тутун.Фото: AFP
Донбасс шимоли
Украина Қуролли Кучларининг ҳарбий хизматчилари Американинг М109 гаубицалари устида.Фото: Reuters
Луганск вилояти, Северодонецк узра кўтарилган тутун. Британия разведкаси маълумотларига кўра, Россиянинг асосий оператив мақсади Донбассдаги Северодонецк нишонига ҳужум қилиш бўлиб қолмоқда. Шаҳар учун жанглар май ойининг охиридан бери давом этмоқда, Россия томони шаҳарни деярли тўлиқ назорат қилаётганини бир неча бор таъкидлаган. Украина расмийларининг хабар беришича, Северодонецкнинг муҳим қисми рус қўшинлари томонидан ишғол қилинган, бироқ жанглар давом этмоқда. 13 июнь куни Украина Мудофаа вазирлиги Россия қўшинлари шаҳар марказини эгаллаб олганини маълум қилди.Фото: AFP
Лисичанск аҳолисини Краматорск ва Славянск каби хавфсиз ҳудудларга эвакуация қилаётган кўнгиллилар машинасида ўтирган бола. Машина ярим йўлда, Северскда тўхтаган, шу орқали йўловчилар иссиқдан ва нотекис йўлдан бир оз дам олмоқда.Фото: Getty Images
Изоҳ (0)