Турли фильмларда муваффақиятли тандем яратганини кўпчилик пайқамаган жаҳон киноси юлдузлари (фото)

Баъзида актёрлар биргаликда шундай ёрқин образлар яратишадики, бу бир нечта машҳур лойиҳаларда пайдо бўладиган муваффақиятли профессионал тандемнинг шаклланишига олиб келади. Мисол учун, Мерил Стрип Эмили Блант билан биргаликда 3 та фильмда рол ўйнашган ва уларнинг барчаси томошабинлар қалбидан жой олган.

Мерил Стрип ва Леонардо Ди Каприо

2021 йилда Леонардо Ди Каприо ва Мерил Стрип иштирокидаги «Юқорига қарама» сатирик фильми чиқди. Бироқ актёрлар бундан аввал ҳам бирга экранга чиққан: Мерил ва Лео 1996 йилда «Марвиннинг хонаси» драмасида она ва ўғил ролини ўйнаган. Ўшанда Ди Каприо Стрип билан ишлашдан ниҳоятда хурсанд бўлган ва уни дунёдаги энг иқтидорли актриса деб атаган.

Кейт Уинслет ва Гай Пирс

Актёрлар биринчи марта 2011 йилда «Милдред Пирс» телесериалида севишганлар ролини ўйнаган. 10 йил ўтгач эса улар «Исттаунлик Мерил» криминал сериалида яна жуфтлик образини гавдалантирди.

Эмма Томпсон ва Энтони Хопкинс

Эмма Томпсон ва Энтони Хопкинснинг биринчи қўшма лойиҳаси 1992 йилда Эдвард Форстернинг «Govards End» худди шу номли романининг экранлаштирилган вариант эди. Бир йил ўтгач, актёрларнинг яна бир ҳамкорликдаги иши — 8 та «Оскар»га номзод бўлган «Кун қолдиқлари» мелодрамаси намойиш этилди.

Салли Филд ва Том Хенкс

1994 йилда «Форрест Гамп» фильмида меҳрибон она ва унинг ҳеч кимга ўхшамайдиган фарзанди образини яратишдан олдин Салли Филд ва Том Хенкс машҳур «Хислат» мелодрамасида жуфтлик ролида чиққан.

Мерил Стрип ва Эмили Блант

12 йил давомида Мерил Стрип ва Эмили Блант 3 та картинада бирга рол ўйнашга муваффақ бўлишди. Биринчи севимли комедия «Қаттиққўл хоним» (2006), кейин «Ўрмондан узоқроқ» (2014) мюзикли ва 4 йилдан сўнг актрисалар «Мери Поппинс қайтмоқда» фильмида бирга иштирок этишди.

Мерил Стрип ва Стенли Туччи

Актёрлар биринчи марта 2006 йилда «Қаттиққўл хоним» фильмида танишган: унда Мерил мода журнали муҳаррири ролини ўйнаган, Стенли эса унинг содиқ ёрдамчиси эди. Уч йил ўтгач, тақдир уларни яна бирлаштирди, «Жули ва Жулия: рецепт бўйича бахт яратамиз» биографик комедиясида эр-хотин ролида иштирок этишди.

Жейк Жилленҳол ва Энн Хетеуэй

2010 йилда Энн Хетеуэй ва Жейк Жилленҳол «Муҳаббат ва бошқа дорилар» драмасида ёрқин жуфтлик образини яратди. Аммо бундан 5 йил олдин улар «Букри тоғ» фильмида эр-хотин ролида чиққанини кам одам эслайди.

Никол Кидман ва Жуд Лоу

«Совуқ тоғ» фильмида Никол Кидман ва Жуд Лоу ўртасидаги муносабат шунчалик ишонарли эдики, матбуотда уларнинг романтикаси ҳақида миш-мишлар тарқалди. Картина чиққанидан 13 йил ўтгач, актёрлар яна севишганлар — америкалик ёзувчи ва унинг севимли аёли образини «Даҳо» фильмида ўйнашди.

Антонио Каллони ва Летисия Сабателла

Бразилиялик актёрлар Антонио Каллони ва Летисия Сабателла «Клон» теленовелласи чиққандан кейин бутун дунёга танилди. Улар меҳрибон турмуш ўртоқлар Муҳаммад ва Латифа образларида кўриниш берганди. Маълум бўлишича, актёрлар бундан аввал ҳам бирга ишлаш тажрибасига эга бўлган: «Клон» фильмидан 10 йил олдин «Дунё ҳукмдори» сериалида жуфтлик ролини ўйнашган.