ОФК U-23 Осиё Кубоги—2022 чорак финали доирасида ўтказилган Ўзбекистон ва Ироқ терма жамоалари ўртасидаги ўйинда юз берган ҳолатлар бўйича кескин қарор чиқариши мумкин.
Биринчи бўлим бошида ҳакамнинг қарорлари ва рақиб футболчиларидан норози бўлган айрим мухлислар майдон ва техник ҳудуд томон қаттиқ буюмларни улоқтирган. Учрашув ҳаками ўйинни бироз муддатга тўхтатди, бироқ кейинчалик баҳс давом эттирилди.
«Championat.asia»нинг хабар қилишича, улоқтирилган жисмлар туфайли бир нафар ўзбекистонлик фотосуратчи ва бир нафар хорижлик оператор жароҳат олган.
Шунингдек, нашр ўз манбаларига таяниб ёзишича, Ўзбекистон U-23 терма жамоаси иштирокидаги ярим финал ўйини томошабинларсиз ўтказилиши мумкин. ОФК мазкур масала юзасидан ҳали қарор қабул қилгани йўқ.
Темур Кападзе шогирдлари ярим финални 15 июнь куни ўтказади. Унда Жанубий Корея ёки Япония рақиб бўлади.
Изоҳ (0)