Ироқ U-23 терма жамоаси бош мураббийи Мирослав Соукуп U-23 Осиё Кубоги—2022 чорак финали доирасида Ўзбекистонга қарши кечган ўйиндан (2:2, 2:3 — пенальтилар серияси) кейин ўз фикрлари билан бўлишди.
Ўйин ҳақидаУчрашувнинг 12-дақиқасида ҳакам видеотакрорлардан кейин Ўзбекистон U-23 дарвозабони Абдувоҳид Неъматовни рақибга тирсак билан зарба бергани учун майдондан четлатди ва пенальти белгилади. Қарордан норози бўлган томошабинлар майдонга турли қаттиқ буюмларни улоқтира бошлади. Ҳакам аввалига ўйинни тўхтатмоқчи бўлди, бироқ кейинчалик учрашув давом эттирилди.Аввало, Ўзбекистон терма жамоасини ғалаба билан табриклайман. Биз бу ўйинда ҳеч нарса қила олганимиз йўқ. Қизил карточка ва пенальтини VAR белгилади, мен ёки ўйинчиларим эмас. Фаолиятимда биринчи марта тошбўрон остида футбол ўйнадик. Ўйинчиларим чигалёзди машғулотларини ўтказа олмади. Мураббийлар штаби захира ўриндиғидан бошқа жойга чиқа олмади. Сабаби мухлислар биз томон тошлар улоқтирди.
ОФКга саволим бор: бу нормал ҳолатми? Кечирасиз-ку, ўйин тўхтатилиши керак эди. Мен ўйин ҳақида фикр билдирмоқчи эмасман. Бу менинг Ироқ терма жамоасидаги сўнгги ўйиним эди. Менинг шартномам ўз якунига етди. Натижадан эмас, қандай мағлуб бўлганимиздан хафаман. Мухлислар бизга керагидан ортиқ босим қилди. Бу адолатдан эмас. Биз хавфсиз ўйнашимиз керак эди. Жароҳатлардан қўрқишимиз эмас.
Ироқ футболчиларининг провокацион ҳаракатлари ҳақида
Яна қайтараман. Бу мусобақада VAR бор. Ҳакам VAR остида ишлайди. Сиз нимадан норозисиз? Ҳакам тўғри қарор қабул қилган эди. Қарорни бизнинг жамоа эмас, ҳакам қабул қилди. Тасаввур қилинг, агарда сиз меҳмонда ҳаракат қилаётган бўлсангиз ва ўйинчиларингиз тошлар остида қолса, сиз давом этишни истармидингиз? ОФК ва ҳакам бунинг чорасини топиши керак эди. Ўйин тўхтатилиши шарт эди.
Мирослав Соукуп, Ироқ U-23 бош мураббийи
Изоҳ (0)