Футбол бўйича U-23 Осиё Кубоги—2022 мусобақасининг 1/4 финали доирасида Ўзбекистон U-23 терма жамоаси 11 июнь, шанба куни Ироқ билан баҳс олиб борди.
Асабий руҳда ўтган баҳснинг 19-дақиқасига келиб, ҳисоб очилди. Абдувоҳид Неъматов рақиб футболчисининг провокацион ҳаракатларига учиб, унга мушт туширди. Натижада Неъматовга қизил карточка берилди, мезбонлар дарвозасига эса 11 метрлик жарима зарбаси белгиланди. Пенальти муваффақиятли амалга оширилди — 0:1.
Ушбу тўхталишлар учун ҳакам биринчи бўлимга 12 дақиқа қўшиб берди. 45+5-дақиқада Ироқ дарвозасига ҳам пенальти белгиланди. Пенальтидан Жасур Жалолиддинов унумли фойдаланди. 50-дақиқада Ўзбекистон терма жамоаси ажойиб ҳужум ташкил қилди ва меҳмонлар ўз дарвозасига гол киритиб қўйди. 68-дақиқага келиб, Ироқ мувозанатни тиклади — 2:2. Ушбу ҳисоб учрашувнинг асосий дақиқаси сўнгигача сақланиб турди.
Шундан сўнг қўшимча дақиқаларга мурожаат қилинди. Экстра-таймларда ҳам дарвозалар ишғол этилмади. Пенальтилар сериясида 3:2 ҳисобида Ўзбекистоннинг қўли баланд келди.
Шу тариқа Тимур Кападзе мусобақанинг ярим финалига йўлланма олди. Жамоа 1/2 финалда Жанубий Корея ва Япония учрашуви ғолиби билан тўқнаш келади.
Осиё Кубоги—2023
1/4 финал баҳси
11 июнь, шанба
Ўзбекистон U-23 — Ироқ U-23 2:2
Голлар: 0:1 — 19 Рамазон Жума, 1:1 — 45+5 Жалолиддинов, 2:1 — 50 Аммар Алсавад (автогол), 2:2 — 68 Ғолиб Фалиҳ.Пенальтилар серияси — 3:2.
Ўзбекистон U-23: 1.Абдувоҳид Неъматов, 3.Достон Турсунов, 5.Муҳаммадқодир Ҳамралиев, 7.Ҳожимат Эркинов (11.Отабек Жўрақўзиев,111), 9.Улуғбек Ҳошимов (20.Русланбек Жиянов, 62), 10.Жасур Жалолиддинов, (14.Аббосбек Файзуллаев, 79), 13.Элдор Бегимов (2.Саидазамат Мирсаидов, 62), 17.Диёр Холматов (12.Владимир Назаров, 15), 18.Алибек Давронов, 19.Ҳусайн Норчаев (22.Алишер Одилов, 111), 23.Абдурауф Бўриев.
Ироқ: 22.Ҳассан Аҳмад Ҳуссайн, 3.Аҳмад Ҳассан ал-Ришаве (17.Матҳам Ваад, 87), 4.Ҳуссайн Аммар Алсавад, 8.Момал Абдулридҳа Огали, 9.Вака Рамазон Жума, 13.Али Мажид ар-Рубайи, 14.Мерчас Гази Солиҳ, 15.Мҳуаммад Альбақар Гураибави, 16.Мунтахер Абдуламир, 19.Ҳасан Рид Матрук, 20.Александер Аораха (11.Мунтахер Муҳаммад, 46).
Огоҳлантириш: Александер Аораха (24), Ҳасан Рид Матрук (26), Момал Абдулридҳа Огали (28).
Четлатиш: Абдувоҳид Неъматов (12).
Изоҳ (0)