Ижтимоий тармоқларда ФҲДЁ органлари тугатилар эмиш, деган асоссиз миш-мишлар тарқалди. Шу муносабат билан ушбу масала юзасидан Адлия вазирлиги муносабат билдирди.
Маълум қилинишича, ҳозирги кунда никоҳ уйларини қайта ташкил этиб, уларни ФҲДЁ бўлимларига айлантириш режалаштирилмоқда.
Амалдаги тартибга кўра, никоҳ уйлари фақат никоҳни расмийлаштиради. ФҲДЁ бўлимлари томонидан эса 4 та (туғилиш, никоҳ, ажрим ва ўлим) турдаги ҳаракат амалга оширилади.
«Никоҳ уйлари мустақиллигимизнинг илк йилларида барча ФҲДЁ органларида етарлича шароит бўлмаган, бинолар билан боғлиқ муаммолар фонида аҳолининг никоҳни тантанали қайд этилишига бўлган эҳтиёжини таъминлаш учун айрим ҳудудларда ташкил этилган эди.
Ҳозирги кунда, ФҲДЁ органларининг моддий-техник базаси мустаҳкамланиши туфайли барча ФҲДЁ органларида никоҳни тантанали қайд этиш учун алоҳида хоналар ва шароитлар яратилган.
Шундан келиб чиқиб, никоҳ уйларини сақлаб туришнинг зарурияти қолмаганлиги сабабли никоҳ уйларини қайта ташкил этиб, уларни ФҲДЁ бўлимларига айлантириш режалаштирилмоқда.
Бундан кўзланган мақсад эса адлия органлари фаолиятини оптималлаштириш, ходимларга келаётган иш юкламасини тўғри тақсимлаш, бинолардан унумли фойдаланишдир», — дейилади вазирлик хабарида.
Мавзуга доир:
- Намангандаги «Саховат уйи»да истиқомат қилувчи 70 ёшли икки қария турмуш қурди. Улар 35 йил давомида бир-бирига кўнгил қўйиб келган (фото ва видео)
- Давлат хизматлари агентлиги ва Интеллектуал мулк агентлиги Адлия вазирлигига қўшиб юборилди
- Намангандаги давлат хизматлари марказида илк бор сурдо таржимонлик йўлга қўйилди
Изоҳ (0)