Афсонавий кўз, аэропорт ва шишадан ясалган қалъа: Голливуд юлдузларининг энг ноодатий уйлари (фото)

Юлдузлар ва исрофгарчилик ажралмас сўзлардир. Бунинг тасдиғи сифатида дунёга машҳур таниқли шахсларга тегишли қасрларни кўриш мумкин. Кўпинча улар ўз эгаларининг ютуқларидан ҳам кўпроқ ҳайратга сазовор бўлади.

Наоми Кемпбелл: Горнинг кўзи

Бир мунча вақт олдин россиялик миллиардер Владимир Доронин ёрдами билан Қора Пантеранинг собиқ севгилиси унга туғилган кунида ажойиб мулк совға қилди. Клеопатра оролида (Туркия) супермодель учун эко-уй қурилди, унинг контурлари юқоридан қараганда Гор кўзининг чизилган расмини такрорлайди. Афсонага кўра, Мисрнинг мазкур рамзи Ер юзидаги ва кейинги ҳаётдаги офатлардан ҳимоя қилади.

Сфера шаклидаги том пўлат ва шишадан ясалган бўлиб, унинг остида панорамали боғ мавжуд. Кечаси юлдузларни томоша қилиш мумкин бўлган сферанинг ноодатий пардалари кундузги қуёшдан ҳимоя қилади. Кўзнинг қора контури энергия ишлаб чиқарадиган фотоэлектр панеллардан иборат. Шунингдек, мазкур уй чиқиндиларни тозалаш тизими билан таъминланган.

Жон Траволта: мини аэропорт

Самолёт коллексионери сифатида актёр «келажакнинг қулайлиги ва интерьерини» яратишга киришди. У американча уй ва аэропорт терминали бирлаштирилган лойиҳани шахсан ўзи ишлаб чиқди: бошқарув маркази, экипаж учун кабина ва уйнинг кириш қисмида самолётлар турадиган жой билан.

Учиш-қўниш йўлаклари турар жойга олиб боради ва уйдаги барча коридорлар эгаларининг севимли жойи бўлган емакхонага олиб чиқади. Ҳашаматли уй беш хонадан, жумладан, овқат хонасидан иборат. Овқатланиш хонасидаги букилган мовийранг деразалар кенглиги 5 метрга 4 метр бўлиб, самолётлар тўхташ жойининг ажойиб кўринишини беради.

Оилавий овқатланадиган емакхона 23 квадрат метрлик фреска билан безатилган. Мазкур хонада парвозни кутаётган бахтли оила тасвирланган. Жон Траволта бу тасвирни 1937 йилда Fortune журналида кўрган. Шунинг учун хонанинг ички қисми винтаж услубида яратилган. Хона деворлари фотосуратлар, дипломлар, авиацияга оид расмлар билан безатилган.

Уилл Смит: «чексиз ҳалқа ғояси»

Ғайриоддий геометрия ва ноодатий чизиқлар Уилл Смитнинг Калифорниядаги саройининг асосидир. Турар жой лойиҳаси ўзида Африка, Осиё ва Яқин Шарқ маданиятларининг келиб чиқишини бирлаштиради. Дизайнер олдига усталарнинг «меҳри ва маҳорати» билан тўлдирилган ички макон яратиш вазифаси қўйилади.

Актёрнинг таъкидлашича, кириш эшиги — янги оламнинг бошланишини англатади. Уни Ҳиндистондан олиб келишган, у ерда қалъанинг кириш эшиги бўлган. Пол дарё тошлари билан безатилган. Шифт эски шийпон ва уйлардан йиғилган тахталардан қилинган. «Этник услуб ва қўл  меҳнати билан яратилган нафислик ва мураккаблик» — мебель, қандиллар, интерьер безаклари шу тамойилга кўра танланган. Ностандарт қурилган уйнинг силлиқ ва оқимли чизиқлари қўлда ишланган интерьерлар билан безатилган.

Пьер Карден: пуфак-уй

Футуризм ва авангард намунаси бўлган қабариқ уй 1991 йилда моделер Пьер Карденнинг мулкига айланди. Турар жой Канн яқинида, Ўрта Ер денгизи соҳилидаги қояда жойлашган. Архитектор ғоясига кўра уй ибтидоий одамларнинг ғорларига ўхшатиб қурилган. Уй қопламаси пуркаладиган бетондан қилинган ва поғонали томлардан пастга— ҳовузга тушилади.

Хоналар реаликка тўғри келмайдиган таассурот қолдиради. Уларнинг ҳар бири алоҳида катак (автоном пуфак) бўлиб, деразаси улкан иллюминатор шаклида. Шиша ўрнига шаффоф акрил ишлатилган. Мебельлар ҳам уй учун махсус яратилган. Креслолар ва диванларнинг аморф контурлари интерьерга уйғун тарзда мос келади. Тўғри, уйда камчиликлар ҳам бор – инсайдерларнинг айтишича, бино томидан сув сизиб чиқади ва яшаш учун қулай эмас.

Жастин Бибер: шиша қалъа

Канадалик қўшиқчининг Беверли-Хиллздаги шиша уйи меъморий мўъжиза сифатида эътироф этилган. Пўлат тўсинлар думалоқ шиша деворлар билан ўралган ҳолда ҳавода сузаётганга ўхшайди. Интерьер ҳам шаффоф материалдан қилинган.

Уй ичидаги ландшафт дизайни ажойиб акустика билан кенглик туйғусини беради. Мебель, сантехника ва декор элементлари минимализм услубида — шиша, ёғоч ва пўлатдан ишланган. Хонанда ўзининг шовқинли кечаларини айнан шу шиша қасрида ўтказади. Бошқа хоналар ҳам унинг хоҳишларига мослаштирилган.

Дакота Жонсон: винтаж ва богем услуби

Киноюлдуз Дакота Жонсон Лос-Анжелесдан мебель билан тўлиқ жиҳозланган уй сотиб олган. Уйида бўш жой йўқлиги уни безовта қилмайди. Қадимги услуб ва минимализмнинг йўқлигини кўриб ўзингизни бошқа даврга тушиб қолгандек сезасиз, бунинг учун фақат остонадан ҳатлаш керак. Интерьерни антиквар роял, сервис идишлар тўплами, винил пластинкалар ва гиламлар безаб туради.

Мебель рангини танлаш дизайнерлар учун энг қийин вазифа бўлган. Актриса чангли атиргул ва туя жунининг тусини бирлаштирган рангни хоҳлаган. Намуна сифатида Дакотанинг севимли свитери кўрсатилади. Актриса ҳар оқшом шам ёруғида винтаж услубидаги уйининг улкан дарахтлар тўла боғ манзарасини томоша қилишни ёқтиради.