Ўзбекистон товар-хом ашё биржаси шакарга нисбатан таклифни кўтариш мақсадида хорижий ҳамкорлар билан музокаралар олиб бормоқда. Бу ҳақда 10 июнь куни АОКАда ўтказилган матбуот анжуманида сўз юритилди, дея хабар бермоқда «Дарё» мухбири.
«Январь июнь ойларида 200 минг тоннадан зиёд шакар биржа савдолари орқали сотилди. Ҳар йили мавсумий талаб кузатилади ва шу вақтда шакар нархида ўсиш бўлади. Ушбу ҳолат жорий йил ҳам кузатиляпти.
Бугунги кунда биржа савдоларига кунига 2 минг тонна шакар қўйилмоқда ва барчаси сотилмоқда. Демак, ҳақиқатан талаб ошган. Савдода иштирок этаётган харидорлар сони ҳам май—июнь ойида 38 фоизга кўтарилди.
Ҳозир энг асосий мақсад — таклифни кўтариш. Бунинг учун биз хорижий савдо майдончалари орқали импорт шакарни ҳам биржа савдоларига қўйиш масаласида Россия, Белорусия каби давлатлардаги ҳамкорларимиз билан музокаралар олиб боряпмиз. Агар мана шунга эришадиган бўлсак, таклиф даражаси ошади ва нархлар барқарорлашади», — дейди Ўзбекистон товар-хом ашё биржаси ахборот хизмати раҳбари Ҳикматулла Тиллабоев.
Мавзуга доир:
Изоҳ (0)