Фарғона вилоятининг айрим ҳудудларида 10 июнь куни кучли шамол, ёмғир ва дўл ҳодисалари кузатилди. Фавқулодда вазиятлар вазирлиги ҳолат бўйича маълумот берди.
Қайд этилишича, 10 июнь куни соат 16:25 да Фарғона шаҳрида қисқа муддатли кучли шамол кузатилган. Оқибатда Ал-Фарғоний кўчасида жойлашган кўп қаватли уйнинг том қопламасини ерга учириб тушган.
Воқеа жойига зудлик билан шаҳар ФВ бўлими ходимлари етиб борган. Ҳозирда тегишли хизматларнинг куч-воситалари жалб этилган ҳолда вазият оқибатларни бартараф этиш ишлари олиб борилмоқда
Ҳодиса оқибатида тан жароҳати олганлар ва ҳалок бўлганлар йўқ.
Фарғона вилоят ФВБ кучли шамол туфайли содир бўлган талафотларни бартараф этиш жараёнидан суратлар билан бўлишди.
Telegram’даги «Узб_Метео» канали ва бир қанча фуқароларнинг маълум қилишича, Фарғона водийсининг жанубий ҳудудлари, хусусан, Фарғона вилоятининг айрим ҳудудларида кучли ёмғир ва дўл ҳодисалари кузатилган.
Аввалроқ 10—14 июнь кунлари республиканинг тоғолди ва тоғли ҳудудларида вақти-вақти билан ёмғир, айрим жойларида дўл ёғиши мумкинлиги ҳақида хабар берилганди.
Изоҳ (0)