Ёз ойларида ота-оналарнинг бепарволиги сабаб болалар таътилнинг биринчи ҳафтасидаёқ бутун дастурни унутишади. Уч ой ичида бутун йил давомида ўқиган мавзуларни унутиш даргумон, аммо барибир дарсларни такрорлаш керак. Skysmart болалар ва ўсмирлар онлайн мактабининг академик директори Анастасия Екушевская болалар ёзги таътилда нима учун ўқишлари ва қандай қилиб қаршиликсиз ўргатиш мумкинлиги ҳақида сўзлаб беради.
Билимларни сақлаймиз ва оширамиз
Ёз учун ҳеч қандай қоидалар ва вазифалар йўқлиги сабабли қандай стратегияни танлаш муҳим рол ўйнайди — йил давомида ўтилган дарсларни такрорланг ёки янги нарсаларни ўрганинг.
Биринчи навбатда такрорламоқчи бўлган нарсалар ва мавзулар рўйхатини тузинг. Бу қайта кўриб чиқилиши керак бўлган мураккаб мавзулар бўлиши мумкин. Бу ҳолда репетитор ёки курслар ёрдамида такрорлаш фойдали бўлади.
Иккинчи навбатда болалар билан нимани билишни хоҳлашларини муҳокама қилишингиз мумкин. Тадқиқот натижаларига кўра, болаларнинг 70 фоизи таътил пайтида янги нарсаларни ўрганишни хоҳлайди. Улар расм чизиш, спорт, дастурлаш, шахмат билан шуғулланишни, рақамли касбларни — видеоблоглар, дизайн, 3D моделлаштиришни ўрганишни истайди.
Шунинг учун ёзда сиз мактаб мавзуларига эмас, балки шунчаки қизиқарли мавзуларга эътибор беришингиз керак
Ноодатий шуғулланинг
Ёзги ўқишнинг биринчи қоидаси шуки, бола ўзини мактабдагидек ҳис қилмаслиги керак. Шунинг учун ностандарт ёндашувларни танлашингизни маслаҳат берамиз.
Бу тажрибага асосланган машғулот бўлиши мумкин. Музейлардаги интерактив экскурсияларда болалар санъат, рассомлар ва тарих ҳақида кўп нарсаларни ўрганадилар. Улар дарсликдаги зерикарли матндан кўра кўпроқ маълумот беради.
Шунингдек, болаларни севимли машғулотларига олиб боришингиз мумкин. Фарзандингиз ёзишни яхши кўрса, уни ёзув устахонасига ёздиринг. Геймерлар ўйинларни қандай дастурлашни ўзлари ўрганишлари мумкин. Ҳамма нарсани таҳлил қилишни яхши кўрадиганлар учун эса шахмат тўгараклари бор.
Қўшимча таълим кўпинча ўйин шаклида олиб борилади. Булар квестлар, викториналар, ўйинлар, комикслар бўлиши мумкин. Асосийси назариядан кўра кўпроқ амалиёт ўтказилади. Бу ёндашувни мактабдан ташқари дарсларда ҳам, мактаб фанларида ҳам амалга ошириш мумкин.
Ўзингизга мос формат танланг
Дарснинг мазмунига қўшимча равишда, формат ҳақида ўйлаш ҳам лозим — онлайн ёки офлайн. Баъзи болалар учун одамларнинг жисмоний мавжудлиги муҳим — улар учун мулоқот қилиш, дўстлашиш, ҳаракат қилиш осонроқ. Бундай ҳолда йўлда вақт ва куч сарфламаслик учун уйга яқинроқ синфларни топишингиз мумкин.
Ёки онлайн машғулотларни танланг. Вақт тежашдан ташқари, қулайлиги ҳам бор: истаган жойда телефон ёки планшетдан ўрганиш мумкин.
Технология онлайн дарсларни ранг-баранг, ёрқин ва қизиқарли бўлишига имкон беради. Бугунги кунда таълим кўнгилочар контент ларбилан ўқувчилар эътибори учун рақобатлашмоқда.
Бутун оила билан бажаринг
Фарзандингиз намунали таълим олиши учун ўрнак бўлинг — биргаликда ўрганишни бошланг.
Ишдан кейин ёки дам олиш кунларида фарзандларингиз билан ўқиш биргаликдаги вақтингизнинг бир қисмига айланиши керак. Бунда матнни биргаликда ўқиш ёки ўқув видеосини томоша қилиш мумкин. Уларни кун давомида ўрганган нарсаларини айтиб беришга ўргатинг. Такрорлаш одатда ёдлаш учун керак, лекин бундай усул билан сиз ҳам янги нарсаларни ўрганасиз.
Ўқишни куннинг бир қисмига айлантиринг
Ўрганишни кундалик вазифага айлантиришга ҳаракат қилинг, кейин бу одат бўлиб қолади. Ҳафтада икки марта 45 дақиқа инглиз тили ўрганган яхши, лекин ҳар куни 15 дақиқа ундан ҳам яхши самара беради.
Шундай қилиб, фарзандларингиз мактаб дастурини ҳам, қандай ўрганишни ҳам унутмайди. 1 сентябрда эса улар деярли ҳеч қандай стресссиз тўлиқ ўқишга қайтадилар.
Изоҳ (0)