Музлаткич тез ифлосланган жиҳозлардан бири ҳисобланади. Шу билан бирга, катта музлаткич камерасини тозалаш осон ва тез битадиган иш эмас. Қуйида музлаткични кўп энергия ва вақт сарфламасдан тозалашга ёрдам берадиган тавсиялар берамиз.
Биринчи қадам: жавонлар ва тортмаларни ювинг
Аввало, музлаткичнинг жавон, панжара ва тортмаларини олиб ташланг ва қўл билан ювинг. Юмшоқ мато билан иссиқ сувда ювган маъқул. Агар ювилиши қийин бўлган озиқ-овқат қолдиқлари қутиларнинг деворларида қолса, устига илиқ сув билан намланган қоғоз сочиқларни қўйинг ва бир муддат туринг. Кейин губка ёки чўтка билан тозаланг.
Иккинчи қадам: камеранинг ичини тозаланг
Совуткич камерасини тозалаш учун содали сув тайёрланг. Шимгич ёки матони намлаб, музлаткичнинг ички қисмини артиб олинг. Иш сўнгида камерани қоғоз сочиқ билан артиб қуритинг.
Учинчи қадам: ҳидлардан халос бўлинг
Ош содаси музлаткичдаги ёмон ҳидлардан халос бўлишга ёрдам беради. Камерани ўчиргандан сўнг, пастки жавонга сода солинган идишни қўйинг. Сода барча ҳидларни ўзига сингдиргандан кейин уни олиб ташлаш мумкин.
Тўртинчи қадам: музлаткичнинг ташқи қисмини тозаланг
Совуткичнинг ташқи қисмини тозалаш воситаси билан намланган мато билан артиб, кир тўпланишга мойил бўлган шкаф тутқичларига эътиборли бўлинг.
Зангламайдиган пўлатдан ясалган музлаткични тозалаш бироз бошқача. Уни иккита микрофибра мато билан артиб олиш керак: аввал нам, кейин қуруқ. Агар доимий доғлар бўлса, нам латтага бир неча томчи спирт қўшинг.
Бешинчи қадам: профилактика
Совуткични узоқроқ вақт давомида тоза сақлашга ёрдам берадиган бир нечта қоидалар мавжуд. Аввало бирон бир маҳсулот ёмонлаша бошлаганини сезсангиз, дарҳол уни ташлаб юборинг. Идиш ёки тортмаларда доғлар пайдо бўлса, уларни сода эритмасига намланган салфетка билан артиб олиш керак. Ош содаси моғорни енгишга ҳам ёрдам беради: бир ош қошиқ кукунни бир литр илиқ сув билан аралаштириб, моғорланган юзани артинг. Кейин қуруқ мато билан яхшилаб қуритинг.
Изоҳ (0)